Tamil News

சென்னை: மிக முக்கிய தருணத்தில் தமிழக முதல்வராகும் மு.க.ஸ்டாலினுக்கு வாழ்த்துகள் என நடிகர் கார்த்தி கூறியுள்ளார். சமூகநீதி, மதநல்லிணக்கம், கல்வி, மருத்துவம், சுகாதாரம், வேளாண்மை, சுற்றுச்சுழலுக்கு, முக்கியத்துவம் அளித்து மக்கள் விரும்பும் நல்லாட்சி அமைத்திட வாழ்த்துக்கள் என நடிகர் கார்த்தி தனது டிவிட்டர் பக்கத்தில் பதிவிட்டுள்ளார்.

சென்னை: தமிழக முதல்வரின் கொரோனா நிவாரண நிதிக்காக நடிகர் அஜித், ரூ.25 லட்சம் அளித்துள்ளார். நாட்டில் கொரோனா 2வது அலை அதிதீவிரமாக பரவி வரும் நிலையில், வங்கி பரிவர்த்தனை மூலம் கொரோனா நிவாரணத்துக்கு நடிகர் அஜித், ரூ.25 லட்சம் கோடி நிதி அளித்துள்ளார்.

கொரோனா தடுப்பூசி குறித்து தவறான தகவலை பரப்பியதற்காக இவர் மீது காவல்துறையினரால் ஐந்து பிரிவுகளில் வழக்கு பதிவு செய்யப்பட்டது. அந்த வழக்கில் அவருக்கு ரூபாய் 2 லட்சம் அபராதம் விதித்த உயர்நீதிமன்றம், தடுப்பூசி குறித்து தவறான தகவலை பரப்பக்கூடாது என்ற நிபந்தனையுடன் ஜாமீனில் விடுதலை செய்தது.

மும்பை: நடிகை  கங்கனா ரனாவத்தின் டிவிட்டர் கணக்கு முடக்கப்பட்டுள்ளது. ஆக்சிஜன் குறித்து போலி செய்திகளை பரப்பியதால் நடவடிக்கை எடுத்துள்ளதாக டிவிட்டர் நிறுவனம் தகவல் கூறியுள்ளது.

சென்னை: முன்னாள் அமைச்சர் மணிகண்டனுக்கு எதிரான ஆதாரங்களை திரட்டும் பணியில் போலீசார் ஈடுபட்டுள்ளனர். மணிகண்டனுக்கு எதிரான ஆதாரங்களை திரட்ட தனிப்படை போலீசார் ராமநாதபுரம் சென்றுள்ளனர். நடிகை சாந்தினி அளித்த புகாரை தொடர்ந்து முன்னாள் அமைச்சர் மணிகண்டன் தலைமறைவாக உள்ளது குறிப்பிடத்தக்கது.

நடிகர் கமல் ஹாசன் தொடங்கிய மக்கள் நீதி மையம் கட்சியில் இருந்து சமூக ஊடகப் பிரபலம் பத்ம பிரியா, முன்னாள் ஐஏஎஸ் அதிகாரி சந்தோஷ் பாபு ஆகியோர் விலகியுள்ளனர்.

மும்பை: இந்தி நடிகை கங்கனா ரணாவத்துக்கு கொரோனா பாதிப்பு உறுதி செய்யப்பட்டுள்ளது. இதனையடுத்து, அவர் வீட்டில் தனிமைப்படுத்திக் கொண்டு, தன்னுடன் தொடர்பில் இருந்தவர்களை பாதுகாப்பாக இருக்க வலியுறுத்தி உள்ளார்.

சென்னை: நடிகர் மன்சூர் அலிகான் உடல்நலக் குறைவால் சென்னை அமைந்தகரையில் உள்ள தனியார் மருத்துவமனையின் அதிதீவிர சிகிச்சை பிரிவில் அனுமதிக்கப்பட்டுள்ளார். சிறுநீரக கல் பிரச்சனைக்காக மன்சூர் அலிகானுக்கு மருத்துவமனையில் அறுவை சிகிச்சை செய்யப்படுகிறது.

சென்னை: அதிமுக முன்னாள் அமைச்சர் மணிகண்டன் மீது சென்னை காவல் ஆணையர் அலுவலகத்தில் துணை நடிகை புகார் சாந்தினி அளித்துள்ளார். தன்னுடன் 5 ஆண்டுகளாக குடும்பம் நடத்திவிட்டு திருமணம் செய்யாமல் ஏமாற்றுவதாகவும், அந்தரங்க புகைப்படங்களை சமூக வலைத்தளங்களில் வெளியிடுவதாக மிரட்டுகிறார் என்று அவர் தெரிவித்துள்ளார்.

சென்னை: தன்னை ஏமாற்றியதாக நடிகை சாந்தினி அளித்த பாலியல் புகார் வழக்கில் சம்மன் அனுப்பி முன்னாள் அமைச்சர் மணிகண்டனை விசாரிக்க போலீஸ் திட்டமிட்டுள்ளது. மணிகண்டன் மீது போடப்பட்ட வழக்குகளின் ஒவ்வொரு பிரிவுக்குமான ஆதாரங்கள் சேகரிக்கப்பட்டு வருகின்றன. வழக்குப்பதிவை அடுத்து, முன்னாள் அமைச்சர் மணிகண்டன் தலைமறைவாக உள்ளார்.

சென்னை: சென்னை தலைமை செயலகத்தில் முதலமைச்சர் மு.க.ஸ்டாலினை சந்தித்து நடிகர் ரஜினிகாந்த் கொரோனா நிவாரண நிதி  வழங்கினார். கொரோனாவை தடுக்க அனைவரும் ஒத்துழைக்க வேண்டும் என அவர் கேட்டுக்கொண்டார். கொரோனா தடுப்பு பணிக்காக நடிகர் ரஜினிகாந்த் ரூ.50 லட்சம் நிதி வழங்கினார்.

சென்னை: முதல்வர் மு.க.ஸ்டாலின் மற்றும் அமைச்சர் பெருமக்களுக்கும் மனமார்ந்த வாழ்த்துக்கள் என்று நடிகர் சூர்யா கூறியுள்ளார். முடிந்ததே தீர வேண்டிய பல காரியங்கள் வரிசைகட்டி முன்நிற்க, சட்டமன்ற தேர்தலில் மகத்தான வெற்றி பெற்று மக்களின் முதல்வராக பொறுப்பேற்றுள்ள முதல்வர் மு.க.ஸ்டாலினுக்கு நெஞ்சம் நிறைந்த வாழ்த்துக்கள் என அவர் தனது டுவிட்டர் பக்கத்தில் தெரிவித்துள்ளார்.

சென்னை: கொரோனா நிவாரண நிதிக்கு நடிகர் ரஜினியின் மகள் செளந்தர்யா ரூ.1 கோடி நிதியுதவி அளித்துள்ளார். தனது நிறுவனம் சார்பில் முதல்வரின் பொது நிவாரண நிதிக்கு ரூ.1 கோடி நிதியுதவி அளித்துள்ளார்.

சென்னை: மே 31 வரை திரைத்துறை பணிகள் நடைபெறாது என்று ஃபெப்சி தலைவர் ஆர்.கே.செல்வமணி கூறியுள்ளார். முன்னணி நடிகர், நடிகைகள் திரைப்பட தொழிலாளர்களுக்கு உதவ முன்வர வேண்டும் என் அவர் கேட்டுக்கொண்டுள்ளார்.

'தினமும் 'டாக்டர்' பட வெளியீடு குறித்து ரசிகர்கள் கேட்டு கொண்டே இருக்கிறீர்கள். கொரோனாவின் இக்கட்டான சூழ்நிலையில், அனைத்து வேலைகளும் முடிந்து வெளியீட்டிற்கு தயாராக உள்ள படத்தை வெளியிட முடியாமல் இருப்பது படத்தின் தயாரிப்பாளராக எனக்கு எந்த அளவிற்கு கடினமான ஒன்று என்பது உங்களுக்கு புரிந்திருக்கும் என்று கூறியிறது கே.ஜே.ஆர். ஸ்டுடியோஸ்.

தமிழில் 'வல்லரசு' படம் மூலமாக அறிமுகமாகி, ‘அசுரன்’, ‘காலா’ போன்ற வெற்றிப் படங்களில் நடித்த நடிகர் நித்திஷ் வீரா கொரோனா தொற்றால் உயிரிழப்பு.